स्वास्थ्य

वडाको विद्यालय, स्वास्थ्य केन्द्रमा इन्टरनेट, ‘गाउँ घर क्लिनिक’ अभियान प्रभावकारी

• गाउँ सहर संवाददाता
• २० मङ्सिर बुधबार, २०८० | ११:२८:०० मा प्रकाशित

रामेछाप । जिल्लाको मन्थली नगरपालिकाको वडा नं. २ ले वडा भित्रका सबै विद्यालय, स्वास्थ्य केन्द्र र स्वास्थ्य केन्द्रमा इन्टरनेट जडान गरेको छ । शिक्षण तथा सिकाई सहजीकरणको दरिलो माध्यम इन्टरनेट भएको कारण सबै विद्यालयमा इन्टरनेटको पहुँच पु¥याउन आवश्यक भएकोले सबै विद्यालयमा इन्टरनेट जडान गरिएको वडा अध्यक्ष सुरेन्द्र कार्कीले बताए ।

कार्कीले भने- 'अहिले इन्टरनेटको जमाना छ । इन्टरनेटको सही सदुपयोग गर्न सके यसबाट धेरै लाभ लिन सकिन्छ । विद्यालय सँगै स्वास्थ्य केन्द्रमा आएका बिरामीलाई पालो कुर्दा इन्टरनेटबाट केही ज्ञान लिन सहयोग पुगोस् भनेर त्यहाँ पनि इन्टरनेट जोडेका हौँ । यसबाट बिरामी तथा कर्मचारी दुवैले लाभ लिन सक्नेछन् ।'

'वडाका सबै विद्यालय, स्वास्थ्य केन्द्र र अध्ययन केन्द्रमा सिसिटिभी समेत जडान गरिने अध्यक्ष कार्की बताउँछन् । विद्यालय र स्वास्थ्य केन्द्रमा जोडिने सिसिटिभीबाट हामी वडामा बसेर नै अनुगमन गर्नेछौँ'' उनले भने ।

मन्थली नगरपालिका वडा नं. २ मा ५ वटा विद्यालय, २ वटा स्वास्थ्य केन्द्र र १ अध्ययन केन्द्र छन् ।

इन्टरनेटकाे पहुँचसँगै स्वास्थ्य सेवालाई थप प्रभावकारी बनाउने वडाअध्यक्ष कार्कीले बताउनुभयाे ।

स्वास्थ्य सेवामा पहुँच पुर्‍याउने र स्वास्थ्य सम्बन्धी गतिविधि बढाउन स्वास्थ्य स्वयंसेविकाहरू मुख्य भूमिका रहने भन्दै उनीहरूलाई सम्मान गर्दै थप प्रोत्साहित गरिएको उनले बताए ।

 ‘एक गाउँ घर क्लिनिक’ अभियानले वडा बासीसँग प्रत्यक्ष जोडिएर उनीहरूलाई स्वस्थ राख्ने योजना अनुसार काम अगाडि बढाइने उनले उल्लेख गरे ।