गाउँ सहर

बहिनी बलात्कार गर्नेलाई जन्मकैद

• गाउँ सहर संवाददाता
• १७ असोज बुधबार, २०८० | १७:३३:०० मा प्रकाशित

तनहुँ । बहिनीलाई बलात्कार गर्ने दाजुलाई जन्मकैद फैसला सुनाइएकाे छ । 

तनहुँ अदालतले तनहुँको भानु नगरपालिकाका नाबालिका बहिनीलाई  बलात्कार गर्ने अभियुक्तलाई साेमबार जन्मकैदको फैसला सुनाएको हाे ।

तनहुँ जिल्ला अदालतका सूचना अधिकारी हरिश्चन्द्र गौतमका अनुसार जिल्ला न्यायाधीश दलबहादुर केसीको इजलासले १४ वर्षीय दाइलाई जन्मकैदको फैसला सुनाएको हो ।

गौतमका अनुसार ८ वर्षीय सहोदर बैनीलाई जबरजस्ती करणी गरेकाले जन्मकैदको फैलला भएको र अभियुक्त बालक भएकाले ५० प्रतिशत छुटगरी १४ वर्ष ६ महिना कैद हुनेगरी फैसला भएको छ । 

आरोपितले बहिनीलाई २०७८ चैत २५ गते बलात्कार गरेको भन्दै पीडितको आमाले इलाका प्रहरी भानुमा उजुरी दिएपछि प्रहरीले पक्राउ गरेको थियो ।

यसैगरी ११ वर्षीया बालिकालाई बलात्कार गरेको आरोपमा तनहुँ प्रहरीले एक युवकलाई पक्राउ गरेको छ । 

आबुखैरेनी गाउँपालिका–६ सेप्राङ घर भई भानु नगरपालिका –९ बडहरे बस्ने २६ वर्षीय कर्णबहादुर मास्कीलाई पक्राउ गरिएको जिल्ला प्रहरी कार्यालय तनहुँले जनाएको छ ।

प्रहरीका अनुसार मास्कीले गत भदौ २० गते दिउँसो ती बालिकालाई जबरजस्ती करणी गरेको भन्ने उजुरीको आधारमा भानु नगरपालिका स्थित प्रहरी चौकी पुर्कोटबाट खटिएको प्रहरीले मास्कीलाई पक्राउ गरिएको थियो ।