स्वास्थ्य

ॐ चाबहिल डेन्टलद्वारा मन्थलीमा तीनदिने नि:शुल्क दन्त शिविर सम्पन्न

• गाउँ सहर संवाददाता
• १४ जेठ आइतबार, २०८० | १०:२३:०० मा प्रकाशित

रामेछाप । ॐ चाबहिल डेन्टल हस्पिटलले रामेछापकाे मन्थली नगरपालिकामा तीन दिने नि:शुल्क दन्त शिविर सम्पन्न गरेकाे छ । 

मन्थली नगरपालिका, जर्मन नेपाल सहयाेग संघ, विकासका लागि एकता, धुलिखेल अस्पताल र रामेछाप तिलगंगा आँखा अस्पतालकाे संयुक्त आयाेजनामा सम्पन्न भएकाे शिविरमा दाँतकाे उपचार बाहेक बिरामीका अन्य विभिन्न राेगहरूकाे पनि स्वास्थ्य परिक्षण तथा उपचार गरिएकाे थियाे । 

मंगलबार मन्थली नगरपालिकास्थित मन्थली अस्पतालबाट नि:शुल्क दन्त तथा जनरल स्वास्थ्य शिविर शुरू भएकाे शिविर बुधबार (१० गते) कालिदेवी मा.वि. फुलासी टाेखरीमा र अन्तिम दिन बिहीबार (११ गते) सालु स्वास्थ्य चाैकी मन्थलीमा नि:शुल्क शिविर सञ्चालन गरि सम्पन्न भएकाे हाे ।

शिविरबाट २३ सयभन्दा बढि बिरामीले विभिन्न राेगकाे नि:शुल्क परिक्षण तथा उपचार लिएका थिए भने औषधी पनि नि:शुल्क उपलब्ध गराइएकाे थियाे । 

दाँतकाे उपचार भने ॐ चाबहिल डेन्टल हस्पिटलले डाक्टरहरूले गरेका हुन् । 

विशेष गरी ग्रामीण क्षेत्रमा रहेका विपन्न, ज्येष्ठ नागरिक, अस्पतालसम्म पहुँच नभएका स्थानीयहरुले यस शिविरबाट लाभ लिएकाे डेण्टलका अध्यक्ष कृष्ण घिमिरेले जानकारी दिए ।

'निःशुल्क र गाउँमै स्वास्थ्य सेवा पाएपछि स्थानीय खुशी भएका छन् । विद्यार्थी, विपन्न, दलित र ज्येष्ठ नागरिकहरु गाउँमै निःशुल्क स्वास्थ्य सेवा पाएपछि खुशी भएका हुन्' घिमिरेले भने ।

त्यसाे त ॐ चाबहिल डेन्टल हस्पिटलले विभिन्न जिल्लाका स्थानीय तहमा पुगेर स्थानीय तह तथा विभिन्न संघ संस्थाको सहकार्यमा विभिन्न जिल्लामा दन्त शिविरसँगसँगै दाँत सम्बन्धी जनचेतनामूलक कार्यक्रम र सचेत गराउँदै आएको अध्यक्ष घिमिरेले बताए । 

खोलेको छोटो समयमै सेवाग्राहीलाई गुणस्तर सेवा प्रदान गरेर बिरामीहरुको मन जित्न सफल भएको ॐ चाबहिल डेन्टल अस्पतालले सामाजिक उत्तरदायित्व अन्तर्गत विभिन्न स्थानीय निकायसँग मिलेर सेवा प्रदान गर्दै आएको बताए । 

ॐ चाबहिल डेन्टल अस्पतालले चाबहिल र काेटेश्वर चाेकबाट दाँतका बिरामीहरूलाडेण्टलका उपचार र परामर्श सेवा दिँदै आएकाे छ ।