राजनीति

राप्रपा केन्द्रीय कार्य समितिको बैठकमा १८ बुँदे राजनीतिक दस्ताबेज

• गाउँ सहर संवाददाता
• १ जेठ सोमबार, २०८० | १५:५५:०० मा प्रकाशित

काठमाडौं । राप्रपा केन्द्रीय कार्य समितिको तीन दिने बैठक आज जेठ १ गते आरम्भ भएको छ । धुम्बाराहीमा सुरु भएको बैठकमा अध्यक्ष राजेन्द्र लिङ्देनले १८ बुँदे राजनीतिक प्रतिवेदन पेश गरेका छन् । 

आफ्नो प्रतिवेदनमा अध्यक्ष लिङ्देनले प्रमुख दलका कारण मुलुक गम्भीर संकटमा फसेको जिकिर गरेका र वैदेशिक सम्बन्धलाई सत्तारोहणको सिँढीका रूपमा प्रयोग गर्ने आलोकाँचो व्यवहारका कारण वैदेशिक सम्बन्ध पूर्णरूपमा खलबलिन पुगेको छ ।

मुलुकका तीन प्रमुख अंगहरूका बीच रहनु पर्ने शक्ति नियन्त्रण र सन्तुलनको व्यवस्था ध्वस्त भएको छ । ‘प्रमुख राजनीतिक दलहरूका सत्ताकेन्द्रित क्रियाकलापका कारण मुलुक गम्भीर संकटतर्फ उन्मुख छ’, प्रतिवेदनमा भनिएको छ, ‘

कमजोर अर्थतन्त्र, बढ्दो युवा वेरोजगारी, राज्यका सबै अंगमा भ्रष्टाचार र भ्रष्टाचारमा प्रायः सबै प्रमुख राजनीतिक दलहरूको संलग्नता, वैदेशिक नीतिमा आएको असन्तुलन सामान्य अवस्था नभएको लिङ्देनको दाबी छ ।’