राजनीति

पूर्वपदाधिकारीसहित कांग्रेस पदाधिकारी बैठक बस्दै, खाँणकाे निलम्बनबारे निर्णय हुनसक्ने

• गाउँ सहर संवाददाता
• २८ बैशाख बिहीबार, २०८० | ०७:४१:०० मा प्रकाशित

काठमाडौ । नेपाली कांग्रेसको पूर्वपदाधिकारीसहित पदाधिकारी  बैठक आज बस्दै छ । बुधबार बसेको कांग्रेस पदाधिकारी बैठकले आजका लागि पूर्वपदाधिकारीसहितको पदाधिकारी बैठक बोलाएको हो ।  

बुधबार बसेको कांग्रेस पदाधिकारीको बैठकमा पूर्वपदाधिकारीमा प्रकाशमान सिंह मात्र सहभागी थिए । बैठकमा नक्कली शरणार्थी प्रकरणलगायत विषयमा छलफल हुनेछ । 

बुधबारको बैठकमा दुई महामन्त्रीले नक्कली भुटानी शरणार्थी प्रकरणमा पक्राउ परेका केन्द्रीय सदस्य बालकृष्ण खाँडलाई निलम्बन गर्न प्रस्ताव गरेका थिए । महामन्त्रीद्वय गगन थापा र विश्वप्रकाश शर्माले खाँणलाई निलम्बन गरेर अनुसन्धानमा सहयोग गर्न प्रस्ताव गरेका हुन् ।

नक्कली भुटानी शरणार्थी  प्रकरणमा पार्टीले अनुसन्धानमा सहयोग गर्न उनलाई निलम्बन गर्नुपर्ने महामन्त्री थापा र शर्माको तर्क थियो । 

आजकाे बैठकले खाणको निलम्बनबारे निर्णय गर्नसक्ने बताइएको छ।

यता, नेकपा एमालेले पार्टी सचिव टोपबहादुर रायमाझीलाई निलम्बन गरिसकेको छ।