कांग्रेस नेताहरूकाे धन्यबाद दिएपछि हाैसिएका गृहमन्त्रीले भने-सरकार दृढतापूर्वक अगाडि बढ्छ
- गाउँ सहर संवाददाता
- २७ बैशाख बुधबार, २०८० | १६:०९:०० मा प्रकाशित
काठमाडौं । कांग्रेसका युवा नेताहरूले गृहमन्त्री नारायणकाजी श्रेष्ठलाई भेटेर नक्कली भुटानी शरणार्थी प्रकरणको अनुसन्धान विना दबाब अघि बढाउन आग्रह गरेका छन् ।
कांग्रेसका नेताहरु रन्जित कर्ण, गुरुराज घिमिरे, गोबिन्द पोखरेल, भूपेन्द्रजंग शाही, मधु आचार्य लगायतको नेता, कार्यकर्ताको टीमले गृहमन्त्री श्रेष्ठलाई भेटेर समर्थन जनाएका हुन् । संस्थापन इतरका कांग्रेसका नेताहरूले गृहमन्त्रीलाई भेटेरै दिए धन्यवाद दिँदै भ्रष्टाचारको जरोकिलो उखेल्न आग्रह गरेका हुन् ।
कांग्रेस नेता बालकृष्ण खाँण पक्राउपछि कांग्रेसकै युवा नेताहरूले गृहमन्त्री श्रेष्ठलाई कसैको प्रभाव र दबाबमा नपरी अनुसन्धान प्रक्रिया अगाडि बढाएर दोषीमाथि कारबाही गर्न सुझाव दिएका हुन्।
कसैको दबाबमा नपरी शरणार्थी प्रकरणमा दोषीमाथि कारबाही गर्न आग्रह गरेका नेता रञ्जित कर्णले बताए । कर्णका अनुसार गृहमन्त्री श्रेष्ठले भ्रष्टाचार र कमिसन खोरको नेक्सस नतोडेसम्म राष्ट्र नबन्ने बताएका थिए ।
कांग्रेस नेताहरुसँग गृहमन्त्री श्रेष्ठले भने, ‘भ्रष्टाचार र कमिसनखोरको प्रवृत्ति नतोडेसम्म मुलुक बन्दैन । यो विषयमा सरकार दृढतापूर्वक अगाडि बढ्ने विश्वास तपाईंहरुलाई दिलाउन चाहन्छु ।’
कांग्रेस नेता तथा पूर्वगृहमनत्री बालकृष्ण खाँणसहित १२ जना पक्राउ परिसकेका छन् । एमाले सचिव तथा सांसद टोपबहादुर रायमाझी भने फरार छन् ।
यस्तै, कांग्रेस सांसद्वय आरजू राणा र मञ्जु खाँणको पनि नाम मुछिएको छ । सांसद राणा कांग्रेस सभापति शेरबहादुर देउवाको पत्नी हुन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
- सुनको मूल्यमा नयाँ रेकर्ड कायम
- यसपालीकाे एसईई परीक्षा सुरु, ११ कक्षामा भर्ना हुन ३५ प्रतिशत अंक चाहिने
प्रतिकृया दिनुहोस