नौ महिनामा झन्डै ११ खर्ब व्यापार घाटा, आयात निर्यात दुबै घट्याे
- गाउँ सहर संवाददाता
- ६ बैशाख बुधबार, २०८० | १८:३३:०० मा प्रकाशित
काठमाडौं । चालू आर्थिक वर्षको नौं महिना अर्थात साउनदेखि चैत्र मसान्तसम्म आयात निर्यात दुबै घटेको छ । भन्सार विभागले सार्वजनिक गरेको तथ्यांकमा निर्यात २६ प्रतिशतले घट्दा आयात १८ प्रतिशतले घटेको देखिएको हो ।
भन्सार विभागका अनुसार यस चालू आर्थिक वर्षको नौं महिनाको अवधिमा निर्यात २६ दशमलव ३४ प्रतिशतले घटेको छ । नौं महिनामा एक खर्ब १८ अर्ब २७ करोड ९९ लाख रुपैयाँ बराबरको वस्तु तथा सेवा नेपालले निर्यात गरेको छ । गएको वर्षको यही अवधिमा एक खर्ब ६० अर्ब ५७ करोड २९ लाख रुपैयाँको वस्तु तथा सेवा निर्यात गरेको थियो ।
त्यस्तै, यस अवधिमा आयात पनि १८ दशमलव ०८ प्रतिशतले घटेको छ । नौं महिनामा १२ खर्ब एक अर्ब ५० करोड ८९ लाख रुपैयाँको वस्तु तथा सेवा आयात भएको छ । गएको वर्षको सोहि अवधिमा १४ खर्ब ६६ अर्ब ६६ करोड २० लाख रुपैयाँको वस्तु र सेवा आयात गरिएको थियो ।
भन्सार विभागका अनुसार नौं महिनामा नेपालको व्यापार घाटा १७.०६ प्रतिशतले घटेको छ । गत वर्षको सोही अवधिमा नेपालले १३ खर्ब ६ अर्ब ८ करोड ९० लाख रुपैयाँको व्यापारघाटा व्यहोरेको थियो । तर, चालू आर्थिक वर्षका नौं महिनामा नेपालको व्यापार घाटा १० खर्ब ८३ अर्ब २२ करोड ९० लाख रुपैयाँ रहेको भन्सार विभागले जनाएको छ ।
त्यस्तै, यस अवधिमा वैदेशिक व्यापार १८.८९ प्रतिशतले घटेको छ । चालू आवको नौं महिनामा १३ खर्ब १९ अर्ब ७८ करोड ८९ लाख रुपैयाँ बराबरको वैदेशिक व्यापार भएको छ । गत वर्षको सोहि अवधिमा १६ खर्ब २७ अर्ब २३ करोड ४९ लाख रुपैयाँ बराबरको वैदेशिक व्यापार भएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
प्रतिकृया दिनुहोस