खेल

युएईले जितका लागि नेपाललाई ३११ रनको  लक्ष्य

• गाउँ सहर संवाददाता
• २ चैत बिहीबार, २०७९ | १३:४०:०० मा प्रकाशित

काठमाडौं । कीर्तिपुरस्थित त्रिवि क्रिकेट मैदानमा आईसीसी विश्वकप क्रिकेट लिग टु अन्तर्गत आजको अन्तिम खेलमा नेपाल र युएईबीच प्रतिस्पर्धा भइरहेको छ । खेलमा युएईले जितका लागि नेपाललाई ३११ रनको  लक्ष्य दिएको छ ।

टस जितेर पहिले ब्याटिङ गरेको युएईले निर्धारित ५० ओभरमा ६ विकेट गुमाउँदै ३१० रन बनायो । युएईका आशिफ खानले मात्र ४१ बलमा ११ छक्का र ४ चौकासहित शतक पूरा गरेका उनले ४२ बलमा १०१ रन बनाए, यस्तै वृत्य अरबिन्दले ९४ रन बनाएर ।

नेपालले आज युएईलाई पराजित गर्न सके जिम्बावेमा हुने विश्वकप छनोटमा सोझै खेल्न पाउनेछ। यदि पराजित भएमा यसै महिना अन्तिममा नामिबियामा हुने क्वालिफायर प्लेअफ खेल्नुपर्ने हुन्छ।