गाउँ सहर

ओखलढुंगाबाट काठमाडौं आउँदै गरेको बस सिन्धुलीमा दुर्घटना हुँदा ५ जनाको मृत्य

• गाउँ सहर संवाददाता
• २८ फाल्गुण आइतबार, २०७९ | १०:४७:०० मा प्रकाशित

काठमाडौं । सिन्धुलीमा बस दुर्घटना भएको छ । ओखलढुंगाबाट काठमाडौंतर्फ आउँदै गरेको बा २ खा ६५९६ नम्बरको बस सिन्धुलीको फिक्कल गाउँपालिकामा दुर्घटना भएको हो ।

मृत्यु हुनेमा २ महिला, २ पुरुष र १ बच्चा रहेको जिल्ला प्रहरी कार्यालय सिन्धुलीका एसपी राजकुमार सिलवालले बताए ।

उनका अनुसार २४ जना घाइते भएका छन् । उनीहरूको उद्धार गरी प्राथमिक उपचारका लागि खुर्कोट लगिएको छ । घाइतेमध्ये ५ जनाको अवस्था गम्भीर रहेको छ ।

तीब्र गतिका कारण दुर्घटना भएकाे हुनसक्ने उनले बताए ।