अर्थतन्त्र

आँखा अघि नै व्यवसायीले आत्मदाह गर्दा पनि सरकार आफ्नै स्वार्थमा : धनराज गुरुङ

• गाउँ सहर संवाददाता
• २२ माघ आइतबार, २०७९ | १४:३०:०० मा प्रकाशित

काठमाडौँ । नेपाली काँग्रेसका सांसद धनराज गुरुङले आँखा अघि नै व्यवसायीले आत्मदाह गर्दा पनि सरकार आफ्नै स्वार्थमा  रहेको बताएका छन् ।  आइतबार प्रतिनिधिसभाको बैठकमा बोल्दै उनले नेताहरु ठूला सपना मात्रै बाँड्ने काममा लागि परेको भन्दै अझै पनि नसच्चिने हो भने मुलुकले झनै दुःख पाउने बताए । 

उनले आँखा अघि नै व्यवसायीहरुले आत्मदाह र आत्महत्या गर्दा पनि सरकार र नेताहरु आफ्नै स्वार्थमा लागिपरेको बताए । उनले संसद नीति निर्माण भन्दा पनि घोचपेचमा नै सकिँदै गइरहेको बताए । उनले नयाँ प्रतिनिधि सभा सदस्यहरु पनि पुरानै नेताहरु सरह सत्तामा लिप्त भएको बताए ।