गाउँ सहर

पोखरामा घरभित्रै एक युवकले गरे आत्मदाह प्रयास, बचाउन गएकी घरबेटी गम्भीर घाइते

• गाउँ सहर संवाददाता
• १५ माघ आइतबार, २०७९ | १३:५५:०० मा प्रकाशित

काठमाडौँ - पोखरामा एक जना युवकले घरभित्रै आत्मदाहको प्रयास गरेका छन् । आज बिहान पोखरा-१३ मा एक जना युवाले घरभित्रै शरीरमा आगो लगाएर आत्मदाहको प्रयास गरेको वडा नम्बर १३ का अध्यक्ष किरण बरालले जानकारी दिए । उनका अनुसार युवकलाई बचाउन गएकी घरबेटी महिलासमेत गम्भीर घाइते भएकी छन् । 

आगो लगाउने पुरुषको अवस्था भने सामान्य छ । दुवैको पश्चिमाञ्चल क्षेत्रीय अस्पतालमा उपचार भइरहेको छ । आत्मदाहको कारणबारे केही खुलेको छैन । 

घटनाबारे थप अनुसन्धान भइरहेको प्रहरीले जनाएको छ । 

काठमाडौंमा केही दिनअघि एक युवकले आत्मदह गरेको घटना सेलाउन नपाउँदै पोखरामा आइतबार आत्मदाहको प्रयास गरेका हुन् ।

कास्कीको मादी गाउँपालिका ४५ वर्षीय युवकले आफ्नै शरीरमा पेट्रोल छर्केर आत्मदाहको प्रयास गरेका हुन् । डेरामा बस्दै आएका उनले बाथरुममा छिरेर पेट्रोल छर्केर आत्मदाहको प्रयास गरेका हुन् ।