लायन्स क्लव अफ झापा दमकद्वारा आत्महत्या रोकथाम तथा सचेतना अभियान र खाद्यन्न बितरण
- गाउँ सहर संवाददाता
- ३० पौष शनिबार, २०७९ | २२:०७:०० मा प्रकाशित
दमक, झापा । लायन्स क्लव अफ झापा दमकले लायन्स क्लब अन्तर्राष्ट्रियका संस्थापक मेल्भिन जोन्सको जन्मजयन्तीको अवसर पारेर साताब्यापी कार्यक्रम घोषणा सहित बिभिन्न कार्यक्रमहरु गर्दै आएको छ । क्लवका लायन्स सप्ताह अन्र्तगत शुक्रबार दमकमा आत्महत्या रोकथाम तथा सचेतना कार्यक्रम शुरु गरेको छ ।
ईलाका प्रहरी कार्यालय दमकका प्रमुख दिलिप गिरीको प्रमुख उपस्थितिमा दमक बसपार्कमा कार्यक्रम घोषणा सहित सचेतना मूलक स्टिकर टाँस गर्ने अभियान शुरु भएको क्लवका अध्यक्ष अशोक चौधरीले बताएकाछन् । सार्वजनिक बस तथा सवारी साधन र सार्वजनिक स्थलहरुमा आत्महत्या न्यूनिकरण गर्न अपनाउन सकिने सचेतताको बिषयमा स्टिकरहरु टाँस गरिएको छ ।
लायन्स लिडर तथा क्लवका डाइरेक्टर अजय अग्रवालका अनुसार अहिले समाजमा समस्याको रुपमा बढ्दै गरेको आत्महत्या समस्यालाई न्यूनिकरणका लागि क्लवले शुरु गरेको सचेतता अभियान प्रभावकारी बन्ने विश्वास लिएको बताए ।
यसैगरी शनिवार क्लवले झापाको कमल गाँउपालिका वडा नं. ६ का एक अति अशक्त अपाङ्ता भएका एक बृद्धको घरमा नै पुगेर कम्तिमा पनि ३ महिना पुग्नेगरी खाद्यन्न उपलब्ध गराएको छ । माघे संक्रान्तिको अघिल्लो दिन उक्त परिवारलाई क्लवले खाद्यन्न उपलब्ध गराएको हो । वडाध्यक्ष नरेन्द्र भट्टराइ पनि कार्यक्रममा सहभागि थिए ।
उक्त कार्यक्रममा लायन्सका लायन्स क्लव ईन्टरनेशनल ३२५ ए वानका पुर्व गर्भनर रेवतबहादुर कार्की र फुलकुमार लालवानी लगायतको उपस्थिति रहेको थियो । उनिहरुले लायन्स क्लव झापा दमकले सप्ताह कार्यक्रम फरकफरक बहु उपयोगी तवरले गरेको भन्दै प्रशंशा पनि गरे ।
लायन्स क्लव अफ झापा दमकका सचिव विष्णुप्रसाद पोखरेलका अनुसार लायन्स क्लवले अति विपन्न समुदायलाई खाद्यन्न उपलब्ध गराउने, उपचारमा सहयोग गर्ने जस्ता कार्यक्रमहरु गर्दै आएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस