अर्थतन्त्र

यस्ताे छ- पाँच महिनाको तथ्याङ्कमा आधारित देशको वर्तमान आर्थिक तथा वित्तीय स्थिति (पूर्ण पाठ)

• गाउँ सहर संवाददाता
• ३० पौष शनिबार, २०७९ | ०८:०४:०० मा प्रकाशित

काठमाडाैँ । नेपाल राष्ट्र बैंकले (आर्थिक वर्ष २०७९/८० को पाँच महिनाको तथ्याङ्कमा आधारित) देशको वर्तमान आर्थिक तथा वित्तीय स्थिति सार्वजनिक गरेकाे छ । सार्वजनिक आर्थिक तथा वित्तीय स्थिति अनुसार वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ७.३८ प्रतिशत रहेको उल्लेख छ ।

नेराबैंका अनुसार आयात २०.७ प्रतिशतले, निर्यात ३४.६ प्रतिशतलेर कुल वस्तु व्यापार घाटा १८.८ प्रतिशतले घटेको छ । विप्रेषण आप्रवाह नेपाली रुपैयाँमा २३.० प्रतिशतले र अमेरिकी डलरमा १३.१ प्रतिशतले बढेको छ । शोधनान्तर स्थिति रु.४५ अर्ब ८७ करोडलेबचतमा रहेको छ । कुल विदेशी विनिमय सञ्चिति रु.१२९२ अर्ब ५६ करोड र अमेरिकी डलरमा ९ अर्ब ८२ करोड रहेको छ ।

यस्तै संघीय सरकारको खर्च रु.४३५ अर्ब २१ करोड र राजस्व परिचालन रु.३२६ अर्ब ८९ करोड रहेको छ । विस्तृत मुद्राप्रदाय १.९ प्रतिशतले बढेको छ । वार्षिक बिन्दुगत आधारमा यस्तो मुद्राप्रदाय ७.४ प्रतिशतले बढेको उल्लेख छ ।

यसरी नै साेहिनुसार बैंक तथा वित्तीय संस्थाको निक्षेप संकलन २.२ प्रतिशतले बढेकोछ र निजी क्षेत्रमा प्रवाहित कर्जा १.६ प्रतिशतले बढेको छ । वार्षिक बिन्दुगत आधारमा निक्षेपको वृद्धिदर ९.५ प्रतिशत र निजी क्षेत्रमा प्रवाहित कर्जाको वृद्धिदर ४.१ प्रतिशत रहेको बताइएकाे छ ।

पूर्ण पाठ