वातावरण

माैसम पूर्वानुमान :कतै हिउँ/हुस्सुले जनजीवन प्रभावित हुने भएकाले सावधानी अपनाउन अनुरोध

• गाउँ सहर संवाददाता
• २२ पौष शुक्रबार, २०७९ | ०७:३९:०० मा प्रकाशित

काठमाडाैं । जल तथा मौसम विज्ञान विभागको मौसम पूर्वानुमान महाशाखाका अनुसार हाल देशमा पश्चिमी न्यून चापीय प्रणालीको सामान्य  प्रभाव रहेको छ । जसको प्रभावले देशका पहाडी भू-भागमा आंशिक बदली  रही तराईका धेरै भू-भागहरूमा हुस्सु लागिरहेको छ । उच्च हिमाली भेगमा हिउँ पर्ने सम्भावना रहेकाे छ ।

आज दिउँसो देशको पहाडी भू-भागमा आंशिक बदली रही बाँकी भू-भागहरूको मौसम सामान्यतया सफा रहनेछ । तराईका धेरै भू-भागहरूमा हुस्सु/कुहिरो लाग्ने सम्भावना रहेको छ । यो क्रम रातीसम्म चल्ने महाशाखाले जनाएको छ । 

तराईका धेरै भू-भागहरूमा  बाक्लो  हुस्सु लाग्ने भएकोले दैनिक जन जीवन र सडक तथा हवाई यातायातमा प्रभाव पर्ने सम्भावना रहेकोले आवश्यक सावधानी   अपनाउन महाशाखाले अनुरोध गरेको छ ।

राति भने देशको पहाडी भू–भागमा आंशिक बदली रही बाँकी भू–भागको मौसम सामान्यतया सफा रहनेछ । तराईका धेरै भू–भागहरूमा हुस्सु/कुहिरो लाग्ने सम्भावना रहेको छ ।