राजनीति

दोलखामा सत्ता गठबन्धनकै उम्मेदवारकाे मत अग्रता

• गाउँ सहर संवाददाता
• १७ मङ्सिर शनिबार, २०७९ | १७:५८:०० मा प्रकाशित

काठमाडौं । दोलखामा प्रतिनिधिसभा र प्रदेशसभा सदस्यमा सत्ता गठबन्धनका उमेदवारकै अग्रता देखिएको छ ।

हालसम्म २२ हजार ९६२ मतगणना हुँदा सत्ता गठबन्धनबाट नेकपा (माओवादी केन्द्र)का उमेदवार गंगा कार्कीले १० हजार ७७ मत प्राप्त गरेका छन् । उनका निकटतम प्रतिस्पर्धी नेकपा (एमाले)का बालकृष्ण शिवाकोटीले नौ हजार ४७७ मत प्राप्त गरेको मुख्य निर्वाचन अधिकृत डिल्लीरत्न श्रेष्ठले जानकारी दिए ।

दोलखाको प्रदेशसभा ‘क’मा १९ हजार ३६७ मतगणना गर्दा सत्ता गठबन्धनबाट उमेदवार नेपाली कांग्रेसका कुन्दनराज काफ्लेले नौ हजार ३६८ मत तथा एमालेका नरबहादुर श्रेष्ठले सात हजार ९०१ मत ल्याएका छन् ।

प्रदेशसभा ‘ख’मा २४ हजार ४१० मतगणना हुँदा कांग्रेसका वर्मा लामाले १० हजार ४७२ र एमालेका भरत केसीले नौ हजार ८०३ मत प्राप्त गरेका छन् ।

दोलखामा कुल ८५ हजार ३८८ मत खसेको छ । दोलखामा जम्मा ९४ मतदानस्थल र १९५ मतदान केन्द्र रहेका थिए । कुल एक लाख ६१ हजार ४५० मतदाता रहेका थिए । १४ राजनीतिक दलका र सात स्वतन्त्र गरी २१ उमेदवार चुनावी मैदानमा सहभागी भए । रासस