स्वास्थ्य

काभ्रेकाे तिमालमा ॐ चाबहिल डेन्टलद्वारा नि:शुल्क शिविर सम्पन्न

• गाउँ सहर संवाददाता
• २० कार्तिक आइतबार, २०७९ | ०७:०१:०० मा प्रकाशित

काभ्रे । ॐ चाबहिल डेन्टल अस्पतालले नि:शुल्क दन्त शिविर तथा आँखा जाँच सम्पन्न गरेकाे छ ।

अस्पतालले विभिन्न चार लायन्स क्लबहरूकाे संयुक्त आयोजनामा काभ्रेकाे तिमालस्थित मल्लविदेवी आधारभूत विद्यालयमा शिविर सम्पन्न गरिएकाे हाे ।

शिविरबाट ३५० जनाले नि:शुल्क सेवा लिएकाे ॐ चाबहिल डेन्टल अस्पतालका अध्यक्ष कृष्ण घिमिरेले जानकारी दिए ।

 

लायन्स क्लब अफ काठमाडौँ ओम बुद्ध,  लायन्स क्लब अफ काठमाडौँ नेपालय, लायन्स क्लब अफ काठमाडौँ गुनकेसरी, लायन्स क्लब अफ काठमाडौँ युनियन गरि चार लायन्स क्लबहरूले आयोजनामा ॐ चाबहिल डेन्टल अस्पतालले शिविर सञ्चालन गरेकाे हाे ।

विभिन्न जिल्लाका स्थानीय तहमा पुगेर स्थानीय तहका संघ संस्थाको सहकार्यमा विभिन्न जिल्लामा दन्त शिविरसँगसँगै दाँत सम्बन्धी जनचेतनामूलक कार्यक्रम र सचेत गराउँदै आएकाे अध्यक्ष घिमिरेले बताए। 

प्रबन्धक निर्देशक अनिल शर्माले डेन्टल खोलेको छोटो समयमै सेवाग्राहीलाई गुणस्तर सेवा प्रदान गरेर बिरामीहरुको मन जित्न सफल भएको बताए । 

 

ॐ चाबहिल डेन्टल अस्पतालले चाबहिल बाहेक काेटेश्वर, भृकुटीचाेक कपनबाट सेवा दिँदै आएकाे छ भने अब छिट्टै महाेत्तरीकाे बर्दिवासमा पनि शाखा सञ्चालनकाे तयारी भइरहेकाे निर्देशक शर्माले बताए ।