निर्वाचन आयोगको निर्देशन : लालपुर्जा वितरण नगर्नु, वैदेशिक भ्रमण नगर्नु-नगराउनु
- गाउँ सहर संवाददाता
- ३० भदौ बिहीबार, २०७९ | २१:१६:०० मा प्रकाशित
काठमाडौं । निर्वाचन आयोगले राष्ट्रिय भूमि आयोगलाई लालपुर्जा वितरण गर्नेलगायतका सम्पूर्ण कार्य स्थगित गर्न र तीन तहका सरकारलाई वैदेशिक भ्रमण नगर्न नगराउन आज निर्देशन दिएको छ ।
आगामी मङ्सिर ४ गते प्रतिनिधिसभा र प्रदेशसभा सदस्य निर्वाचनको मिति तय भई तयारीका कार्यहरू भइरहेको र समानुपातिक निर्वाचन प्रणालीतर्फ आगामी असोज २ र ३ गते उम्मेदवार मनोनयनको बन्द सूची पेश गर्ने कार्यक्रम रहेको सन्दर्भमा आयोगले सो निर्देशन दिएको हो ।
आयोगले निर्वाचनका अन्य कार्यक्रम पनि सञ्चालन हुने गरी राजपत्रमा सूचना प्रकाशन गरिसकेको छ । निर्वाचनमा स्वच्छता र निष्पक्षता कायम राख्न निर्वाचन सम्पन्न नभएसम्मका लागि आफू र आफ्नो मातहतबाट हुने र भइरहेका जग्गा वितरणसम्बन्धी निवेदन लिने, जग्गा नापजाँच गर्ने र जग्गाको निस्सा तथा लालपुर्जा वितरण गर्नेलगायतका सम्पूर्ण कार्यहरु तत्काल स्थगित गरी सोको यथार्थ जानकारी दुई दिनभित्र आयोगलाई दिन राष्ट्रिय भूमि आयोग, ताहाचल, काठमाडौँलाई निर्देशन दिइएको आयोगका प्रवक्ता शालिग्राम शर्मा पौडेलद्वारा जारी विज्ञप्तिमा जनाइएको छ ।
त्यसैगरी सम्बन्धित आयोजक तथा प्रायोजकबाट सम्पूर्ण खर्चहरू बेहोर्ने गरी स्वीकृत गरिने वैदेशिक भ्रमणबाहेक नेपाल सरकारलाई प्राप्त हुने अनुदान तथा सहयोग रकमबाट र नेपाल सरकार, प्रदेश सरकार वा स्थानीय तहको कोषबाट कुनै पनि रकम खर्च हुने गरी गरिने वैदेशिक भ्रमण नगर्न नगराउन नेपाल सरकार, सातवटै प्रदेश सरकार र सात सय ५३ वटै स्थानीय तहलाई आयोगले निर्देशन दिएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- निर्वाचन आयोगसमक्ष एमालेको १० बुँदे ध्यानाकर्षण (पूर्णपाठ)
- आदर्श क्लबको रक्तदानमा ९६ यूनिट रगत संकन।
- विश्वकपः केमरून-सार्बिया खेल बराबरीमा
- सुकुम्बासी बस्तीमा महानगरको टोलीमाथि ढुंगामुढा
- नेप्सेमा गिरावट, बढ्ने गतिले पाएन निरन्तर्ता
- प्रधानमन्त्री देउवासँग दाहाल र नेपालकाे छुट्टाछुट्टै भेटवार्ता
- घट्यो सुनको मूल्य, कतिले हुदैछ काराेबार ?
- धनकुटाको मूलघाट केन्द्रविन्दु भएर भूकम्प
- किवीले बजार पाएन, बिक्री नहुदा अन्योलमा ताप्लेजुङका किसान
- समानुपातिकतर्फ ९३ लाख मतगणना हुँदा कुन दलले कति पाए ?
प्रतिकृया दिनुहोस