खेल

नेपाल साफ यू-२० च्याम्पियनसिपकाे फाइनल पुग्नबाट बाहिरियाे

• गाउँ सहर संवाददाता
• १८ श्रावण बुधबार, २०७९ | ०८:२६:०० मा प्रकाशित

काठमाडाैं । साफ यू-२० च्याम्पियनसिपको भारतले अन्तिम खेलमा बंगलादेशसँग जित हात पारेसँगै नेपाल भने फाइनल पुग्नबाट बन्चित भएकाे छ । भारत पराजित भएको अवस्थामा मात्र नेपाल फाइनल पुग्ने समिकरण थियो ।

अब उपाधिका लागि भारत र बंगलादेश भिड्ने भएका छन् ।

मंगलबार राति भुवनेश्वरको कालिङ्गा रंगशालामा भएको समूह चरणको अन्तिम खेलमा घरेलु टिम भारतले माल्दिभ्सलाई १-० गोलले पराजित गर्दै फाइनलमा स्थान पक्का गर्‍यो । भारतको जितमा खेलको अन्तिम मिनेटमा गुरकिरत सिंहले गोल गरेका थिए ।

यसअघि नेपालसँग १-१ गोलको बराबरी खेलेको बंगलादेशले पनि फाइनलमा स्थान पक्का गरेको थियो ।

नेपालले पहिलो खेलमा माल्दिभ्सलाई ४-० र दोस्रो खेलमा श्रीलंकालाई ३-० गोलले पराजित गरेको थियो । तर तेस्रो खेलमा आयोजक भारतसँग ८-० गोलले पराजित हुँदा नेपालको फाइनल पुग्ने सम्भावना कठिन भएको थियो ।

अन्तिम खेलमा बंगलादेशसँग बराबरी खेलेको नेपालले ७ अंक जोड्यो । शीर्ष स्थानको बंगलादेशले १० अंक जोड्यो भने दोस्रो स्थानको भारतले ९ अंक बटुल्यो । 

पाँच टिम सहभागी प्रतियोगिताको समूह चरणका शीर्ष दुई टिम फाइनलमा पुग्ने प्रावधान थियो ।