स्वास्थ्य

देशमा काेराेना पुनः हावी हुँदै, एकैदिन थपिए ८१४ नयाँ संक्रमित

• गाउँ सहर संवाददाता
• १७ श्रावण मंगलबार, २०७९ | १६:५१:०० मा प्रकाशित

काठमाडाैँ । पछिल्लाे समय देशमा काेराेना कहर पुनः सुरू भएकाे छ । गत २४ घण्टामा ५ हजार ४१५ जनाकाे काेराेना परीक्षण गर्दा ८१४ संक्रमित पुष्टि भएका छन् । कसैकाे पनि मृत्यु भएकाे छैन ।

स्वास्थ्य तथा जनसंख्या मन्त्रालयका अनुसार साे अवधिमा २९९ जनाले स्वास्थ्य लाभ गरेका छन् । ११ हजार ५१३ जनाले खाेप लगाएका छन् ।

मन्त्रालयका अनुसार देशमा सक्रिय संक्रमितकाे संख्या ५ हजार १४४ पुगेकाे छ, जुन पछिल्लाे समयकाे उच्च वृद्धि हाे ।

देशमा अहिलेसम्म काेराेनाबाट ११ हजार ९६८ जनाकाे दुखद निधन भएकाे छ ।