वातावरण

देशभर हल्कादेखि मध्यम वर्षा, यस्ताे छ प्रदेश अनुसार माैसम

• गाउँ सहर संवाददाता
• १६ श्रावण सोमबार, २०७९ | ०७:०६:०० मा प्रकाशित

काठमाडौं । आज साेमबार देशभर हल्कादेखि मध्यम वर्षा हुनेछ । केही स्थानमा भारी वर्षाको समेत सम्भावना रहेको छ ।

प्रदेश नम्बर–१, वाग्मती प्रदेश, गण्डकी प्रदेशका केही स्थानहरूमा अहिले (बिहान ६ बजे) मेघगर्जन/चट्याङसहित हल्कादेखि मध्यम वर्षा भइरहेको छ । बाँकी प्रदेशका थोरै स्थानहरूमा पनि वर्षा भइरहेको ले जनाएको छ ।

काठमाडौंका केही स्थानमा गए रातिदेखि नै वर्षा भइरहेको छ ।

महाशाखाले सोमबार बिहान जारी गरेको तीन दिनको मौसम पूर्वानुमान बुलेटिनमा देशभर आउँदो बुधबारसम्म पानी पर्ने उल्लेख छ । हाल मनसुनको न्यूनचापीय रेखा पश्चिमतिर सरदर स्थान आसपास र पूर्वतिर सरदर स्थानभन्दा केही उत्तरतिर रहेको महाशाखाले जनाएको छ ।

राति देशभर सामान्य बदली रहनेछ । पहाडी भूभागका केही स्थानमा र बाँकी भूभागका थोरै स्थानमा मेघगर्जन/चट्याङसहित हल्कादेखि मध्यम वर्षाको सम्भावना छ । प्रदेश–१, मधेस, वाग्मती र गण्डकी प्रदेशका थोरै स्थानमा भारी वर्षाको पनि सम्भावना रहेको महाशाखाले जनाएको छ ।

बुधबार बेलुकादेखि मौसममा क्रमिक सुधार हुने महाशाखाले जनाएकाे छ ।