छोराको जन्म दिनमा उपहार स्वरुप धर्म र जबुनाले दिए बीमा पोलिसी
- गाउँ सहर संवाददाता
- १२ श्रावण बिहीबार, २०७९ | १०:११:०० मा प्रकाशित
भैरहवा । नेपाली समाजमा केही शुभ कार्य गर्दा आफ्ना आफन्तलाई उपहार दिने चलन वर्षौ देखि रहँदै आएको छ । पहिले उपहार दिदाँ घरायसी एवं व्यक्तिगत रुपमा प्रयोग हुने सरसामानलाई उपहार स्वरुप दिने गरिन्थ्यो भने अहिले समय अनुसार उपहार पनि परिवर्तन हुँदै गएको छ ।
परिवर्तित समयसँगै पछिल्लो समय भने जीवन बीमालाई आम जनताको दैनिकीसँग जोड्दै जीवन बीमा पोलीसी उपहारका रुपमा दिने चलन बढ्दै गएको छ । विवाह, ब्रतबन्ध, जन्मदिन, पास्नी, गून्योचोलो, बैवाहिक वर्षगाँठ लगायतका शुभ कार्यमा बीमा पोलीसी उपहार दिने चलन बढ्दै गएको हो ।
सोही चलनको अनुसरण गर्दै सिटिजन लाइफ इन्स्योरेन्स कम्पनी लिमिटेड भैरहवा शाखामा एजेन्सी म्यानेजरको रुपमा कार्यरत धर्म एस के र उनको श्रीमती जबुना एस के ले आफ्नो छोराको जन्मदिनको अवसरमा जीवन बीमा पोलिसी उपहार दिएका छन् । उनीहरुले आफ्नो छोरा रमेश एस के लाई सिटिजन लाइफ इन्स्योरेन्स कम्पनीको सिटिजन जीवनसारथी बीमा योजना अन्तर्गत २० लाखको बीमा पोलिसी उपहार स्वरुप दिएका हुन् ।
बीमा पोलिसी हस्तान्तरण गर्दै उनले बीमा गर्दा आर्थिक बचत हुने र नोक्सानी भएको हकमा क्षतिपूर्तिको सुनिश्चिता भएको हुँदा जीवन बीमा अतिआवश्यक रहेको बताए । जीवन बीमा गर्ने योजना पहिले नै बनाएको र विशेष दिनमा उपहार स्वरुप दिँदा आकर्षक उपहार हुने र अन्यलाई समेत उत्प्रेरणा मिल्ने हुदाँ सो उपहार दिएको उनले बताए ।
अन्य उपहार खरिद गर्दा खर्च हुने रकम बीमामा भुक्तानी गर्दा भविष्यको लागि उपायोगी बचत हुने उनले जनाए ।
सो पोलिसी हस्तान्तरण कार्यक्रममा कम्पनीका भैरहवाका क्षेत्रीय प्रमुख नरेश सिग्देलको उपस्थिति रहेको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- त्रिविको ४८ औँ दीक्षान्त समारोह : ६३ हजार एक सय ३७ विद्यार्थी दीक्षित
- संसद महासचिवको पत्र कार्यान्वयन नगर्न अन्तरिम आदेश
- हाल देशभर सक्रिय संक्रमितको संख्या कति छ ?
- ग्लोबल आइएमई बैंकको १६औं वार्षिक साधारण सभा सम्पन्न, मर्जरसम्बन्धी अन्तिम स्वीकृति प्रदान
- महाभियोग फुकुवा विरुद्धको रिटकाे सुनुवाइमा के भयो त आज ?
- बहुविवाह गरेको व्यक्तिलाई समानुपातिक सूचिबाट हटाउन माग गर्दै सर्वोच्चमा रिट दर्ता
- स्वास्थ्य बिमा कार्यक्रमले अपेक्षित सेवा प्रवाह गर्न सकेन
- गृहकार्य नपुगेकाे भन्दै एमाले बैठक स्थगित
- माया खोला हाइड्रोपावरको आईपीओ खुला
- कालीकोटमा नुनको अभाव
प्रतिकृया दिनुहोस