अर्थतन्त्र

निराश लगानीकर्तालाई नेप्सेकाे ललिपप, बजार १४ दशमलब ७१ अंकले बढ्याे

• गाउँ सहर संवाददाता
• ३० असार बिहीबार, २०७९ | १५:१०:०० मा प्रकाशित

काठमाडौँ । एकदिन स्वाट्टै घट्दै अनि दुइदिन थोरैथोरै बढ्दै गएको सेयर बजारमा बिहीबार १४ दशमलब ७१ अंकको वृद्धि देखिएको छ । ललिपप देखाएर लोभ्याएजस्तो बजार आज २ हजार एक दशमलब ५३ अंकमा रोकियो ।

आज २ अर्ब ४१ करोड १८ लाख ३४ हजार ५९९ दशमलब ३५ रुपैयाँको कारोबार भएको छ । आज ११६ कम्पनीको वृद्धि देखिएको छ भने ५५ तल झरेका छन् । अन्य ११ कम्पनीमा कुनै परिवर्तन देखिएन ।

नेप्सेका अनुसार आज प्रुडेन्सियल इन्स्योरेन्स कम्पनीको सेयरमूल्यमा उच्च गिरावट भएको छ । यस कम्पनीको सेयरमूल्य ५ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी एनआइसी एसिया बैंकको भएको छ । यसको आज ३० करोड १८ लाख भन्दा बढीको कारोबार भएको छ ।