राजनीति

इन्टरेस्टिङ्ग काठमाडाैँ मेयर गणना, दुई प्रतिद्वन्दीभन्दा १३ हजार बढी मतमा वालेन्द्र

काठमाडाैँ । बहुचर्चित महानगरहरूमा क्रमशः वालेन्द्र, धनराज, रेनु, चिरीबाबु, राजेशमान र नागेश नै अहिलेसम्म अगाडि रहेका छन् । ६ महानगरपालिकामध्ये काठमाडाैँ महानगरकाे गणना एकदमै इन्टरेस्टिङ्ग हुँदै गइरहेकाे छ ।

काठमाडाैँ मेयरमा स्वतन्त्रका वालेन्द्र शाह (वालेन) मा सबैकाे आँखा परेकाे छ । किनकी उनी कुनै पार्टीबाट छुट्टिएर उम्मेदवार भएका हाेइनन् ।

काठमाडौँ महानगरपालिकामा स्वतन्त्र उम्मेदवार वालेन्द्र शाह (वालेन) लाैराे कै निरन्तर अग्रता कायम छ । उनले अहिलेसम्ममा २७ हजार ९६७ मत प्राप्त गरेका छन् । उनका निकटतम प्रतिद्वन्दीहरु झण्डै आधा बढि कममा छन् । एमालेका केशव स्थापीतले १४ हजार ७८२ र सिर्जना सिंहले १४ हजार ४३९ मत ल्याएका छन् । यस्तै उपमेयरमा एमालेकी सुनिता डंगाेलले २६ हजार ५७५ मत ल्याएकी छन् ।

अर्काे इन्टरेस्टिङ्ग कुरा याे छ कि स्थापीत र सिंहका काेर एरियामा पनि वालेन्द्रकाे मत राम्रै आएकाे छ ।

गाउँ सहर संवाददाता

तपाईँको मत