गाउँ सहर

२ नगरकाे परिणाम आउन बाँकी, नेपाली कांग्रेसले जित्याे ३२८ प्रमुख/अध्यक्ष

• गाउँ सहर संवाददाता
• १३ जेठ शुक्रबार, २०७९ | ०९:०३:०० मा प्रकाशित

काठमाडाैँ । पछिल्लाे अपडेटनुसार देशभरका ७५२ स्थानीय तहमध्ये अब २ नगरकाे मात्र निर्वाचन परिणाम आउन बाँकी रहेकाे निर्वाचन आयाेगले बताएकाे छ । उसका अनुसार विभिन्न दलहरूमध्ये ३२८ (१४० र १८८) स्थानमा प्रमुख/अध्यक्ष जितेर नेपाली कांग्रेस पहिलाे बनेकाे छ ।

एमालेले ८२ प्रमुख र १२३ उपप्रमुख जितेकाे छ । माकेले २५ प्रमुख र ९६ अध्यक्ष जितेकाे छ । यस्तै एसले १२ प्रमुख र २१ अध्यक्ष जितेकाे छ भने अन्यले ३२ प्रमुख र ३२ अध्यक्ष जितेकाे छ ।

देशका ६ महानगरमा काठमाडाैँमा स्वतन्त्रले, पाेखरामा एसले, भरतपुरमा माकेले, ललितपुरमा कांग्रेसले, वीरगन्जमा जसपाले र विराटनगरमा कांग्रेसले जित हासिल गरेका छन् ।

देशभर अहिलेसम्म सबै पदहरू गरेर ३४ हजार ९७७ जनप्रतिनिधिहरू चुनिएका छन् ।