गाउँ सहर

३५३ जना उम्मेदवार निर्विरोध निर्वाचित

• गाउँ सहर संवाददाता
• १९ बैशाख सोमबार, २०७९ | १९:५८:०० मा प्रकाशित

काठमाडौँ । स्थानीय तह निर्वाचनका लागि उम्मेदवारी दिएका ३५३ जना उम्मेदवार निर्विरोध निर्वाचित भएको निर्वाचन आयोगले बताएको छ ।

निर्वाचन आयोगले सोमबार आयोजना गरेको नियमित पत्रकार सम्मेलनमा आयोगका सहायक प्रवक्ता सूर्यप्रसाद अर्यालले सोमबार दिउँसोसम्म देशभरबाट विभिन्न पदमा ३५३ जना जनप्रतिनिधि निर्विरोध निर्वाचित भएको जानकारी दिए ।

त्यसैगरी, १७० दलित महिला सदस्य पदमा उम्मेदवारी दर्ता नै नभएको पनि उनले जानकारी दिए ।