स्वास्थ्य

विश्व स्वास्थ्य संगठनका प्रमुख डा. ट्रेडोस नेपाल आउने

• गाउँ सहर संवाददाता
• २ बैशाख शुक्रबार, २०७९ | १५:३६:०० मा प्रकाशित

काठमाडाैं । विश्व स्वास्थ्य संगठन (डब्लुएचओ) का महानिर्देशक डा. टेड्रोस एड्हानोम गेहब्रेयसस नेपाल आउने भएका छन् । डा. टेड्रोस स्वास्थ्य तथा जनसंख्या मन्त्रालयको निमन्त्रणामा नेपाल आउन लागेका हुन् ।

८ वैशाख (२१ अप्रिल)  मा नेपालमा आउन लागेकाे मन्त्रालयका सचिव डा. रोसन पोखरेलले जानकारी दिएका छन् ।

डा. पोखरेलले भने - ‘नेपाल सरकारको निमन्त्रणमा आउने तयारी भएको हो । तीन दिनको उच्चस्तरीय भ्रमणमा नेपालका उच्च अधिकारीहरुसँग भेटघाट हुनेछ ।

नेपालमा रहँदा डा. टेड्रोससहितको टोलीले प्रधानमन्त्री शेरबहादुर देउवा, परराष्ट्रमन्त्री नारायण खड्का, स्वास्थ्य तथा जनसंख्या मन्त्री विरोध खतिवडासँग भेटघाट गर्ने कार्यक्रम रहेकाे छ ।

महानिर्देशक ट्रेडोससँगै विश्व स्वास्थ्य संगठन दक्षिण पूर्वी एसिया क्षेत्रकी निर्देशक डा. पुनम क्षेत्रपाल सिंह र संगठनको संयुक्त राष्ट्रसंघका सदस्य राष्ट्रहरुसँगको सहकार्य र सहयोग प्रणाली विभागका निर्देशक डा. शम्भु आचार्य पनि आउने कार्यक्रम रहेको मन्त्रालयले जनाएको छ ।