गाउँ सहर

मोटरसाइकलको ठक्करबाट ६२ वर्षीय पुरूषकाे मृत्यु

• गाउँ सहर संवाददाता
• २५ चैत शुक्रबार, २०७८ | १६:५२:०० मा प्रकाशित

काठमाडाैं । मोटरसाइकलको ठक्करबाट पैदलयात्रीको मृत्यु भएको छ । व्यास नगरपालिका १२ देउरालीमा लु. ७० प १७१९ नम्बरको मोटरसाइकलको ठक्करबाट पैदलयात्रीको मृत्यु भएको हाे । 

मृत्यु हुनेमा सोही ठाउँ बस्ने ६२ वर्षीय नन्द गोपाल कार्की छन् । उनको शुक्रबार बिहान मृत्यु भएको प्रहरीले जानकारी दिएकाे छ ।

ठक्करबाट गम्भीर घाइते भएका उनको रत्नहरि अस्पताल दमौली हुँदै मणिपाल अस्पताल पोखरामा थप उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको जनाएकाे छ ।

यस सम्बन्धमा प्रहरीले थप अनुसन्धान गरिरहेकाे बताएकाे छ ।