राजनीति

कानुनमन्त्री बन्दीद्वारा पदभार ग्रहण

• गाउँ सहर संवाददाता
• २४ चैत बिहीबार, २०७८ | १५:३१:०० मा प्रकाशित

काठमाडाैं । नवनियुक्त कानुन, न्याय तथा संसदीय मामिला मन्त्री गोविन्दप्रसाद शर्मा कोइराला (बन्दी) ले पदभार ग्रहण गरेका छन् ।

प्रधानमन्त्री देउवाको सिफारिसमा बिहीबार राष्ट्रपति विद्यादेवी भण्डारीले कानुन, न्याय तथा संसदीय मामिला मन्त्रालयमा नियुक्त गरे लगत्तै उनले पदभार ग्रहण गरेका हुन् । शीतल निवासमा दिउँसो २ बजे शपथ लिएर उनी पदभार ग्रहणका लागि सिंहदरबार पुगेका थिए ।

सरकारले कोइरालालाई कानुन मन्त्रीमा नियुक्त गरेसँगै नेपाली काँग्रेसका नेता दिलेन्द्रप्रसाद बडूलाई उद्योग वाणिज्य तथा आपूर्ति मन्त्रालयको जिम्मेवारी दिएको छ । यसअघि कानुन मन्त्रालय सम्हाल्दै आएका बडूलाई प्रधानमन्त्री देउवाले सम्हाल्दै आएको वाणिज्य मन्त्रालयका जिम्मेवारी दिइएको हो ।