प्रेस काउन्सिलमा धमलाले बुझाए स्पष्टीकरण पत्र
- गाउँ सहर संवाददाता
- २४ चैत बिहीबार, २०७८ | १३:३७:०० मा प्रकाशित
काठमाडाैं । पत्रकार ऋषि धमलाले प्रेस काउन्सिलमा स्पष्टीकरण पत्र बुझाएका छन् । काउन्सिलले २४ घन्टे स्पष्टीकरण सोधेपछि बुधबार उनले स्पष्टीकरण पत्र बुझाएका हुन् ।
प्रधानमन्त्री देउवा भारत भ्रमण सकेर आइतबार साँझ काठमाडौं फर्किँदा धमलाले त्रिभुवन विमानस्थलमा जहाजभित्रैबाट प्राइम टाइम्स टेलिभिजनमा लाइभ गरेका थिए । उक्त लाइभ प्रशारणमा जहाजका उडान कर्मचारीले रोक्न खोज्दाखोज्दै पनि धमला प्रधानमन्त्री देउवालाई खोज्दै हिँडेका थिए ।
सुरक्षा संवेदनशीलताका कारण कर्मचारीले रोक्न खोज्दा धमलाले पत्रकार मर्यादाविपरीत कार्य गरेको स्वअनुगमनबाट पाइएपछि धमलालाई स्पष्टीकरण सोधेको काउन्सिलले बताएको थियो । काउन्सिलका प्रवक्ता दीपक खनालले धमलाबाट स्पष्टीकरणको पत्र काउन्सिलमा आएको बताए । उनले अब बैठक बसेर यसबारे छलफल गरिने जनाएका छन् ।
‘उहाँले स्पष्टीकरण पत्र काउन्सिलमा पठाउनुभएको छ,’ उनले भने, ‘काउन्सिलको बैठक बसेर त्यसबारे केही दिनमा छलफल गर्छौं ।’ काउन्सिलका अध्यक्षलगायतको टोली सुर्खेतमा छ । सुर्खेतबाट काठमाडौं फर्केपछि काउन्सिलको बैठक बस्नेछ ।
धमलाले पठाएको स्पष्टीकरण पत्रमा 'जनतालाई छिटो समाचार दिँदा गल्ती भएको' उल्लेख गरेका छन् । उनले पत्रकार आचारसंहिताप्रति आफू प्रतिवद्ध रहेको र अबदेखि यस्ता विषयमा ध्यान दिने पनि उल्लेख गरेको स्रोतको बताएकाे छ ।
‘सुरक्षा संवेदनशीलतालाई नजरअन्दाज गरी, वायुसेवाका सम्बद्ध कर्मचारीले सुरक्षा संवेदनशीलताका कारण प्रसारण गर्न नमिल्ने भन्दाभन्दै पत्रकार तथा सञ्चारमाध्यमले बलजफ्ती रूपमा निषेध गरिएको क्षेत्रमा प्रवेश गरेको, दृश्यसहितको प्रत्यक्ष प्रसारण के कति कारणले गर्नुपरेको हो ? तपाईंबाट पटक-पटक यस्तो गैरपेशागत क्रियाकलाप किन हुन पुगेको हो ? पत्रकारिता क्षेत्रको मर्यादा/विश्वसनीयतामा समेत नकारात्मक प्रभाव पर्ने कार्य के कसरी हुन गएको हो ?’ स्पष्टीकरण सोधिएको पत्रमा भनिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस