राजनीति

चुनावी तालमेलबारे रिपोर्ट बुझाउन २६ गतेसम्मकाे समय

• गाउँ सहर संवाददाता
• २३ चैत बुधबार, २०७८ | १९:५५:०० मा प्रकाशित

काठमाडौं । सत्ता गठबन्धनको चुनावी तयारी तथा अनुगमन समितिको बैठकले चुनावी तालमेलका लागि स्थानीय तहको अवस्थाबारे २६ गतेभित्र रिर्पोट बुझाउन निर्देशन दिएको छ ।

बुधबार समितिका संयोजक रामचन्द्र पौडेले नेतृत्वमा बसेको बैठकले प्रदेश, जिल्ला लगायत चुनावी तालमेल संयन्त्रलाई रिर्पोट बुझाउन निर्देशन दिएको हो । 

माओवादीका नेता देव गुरुङले भने- “तल्लो तहमा विभिन्न संयन्त्र बनेका छन् । बैठक बसेर त्यहाँको स्थितिका बारेमा रिर्पोट कलेक्सन गरेर २६ गतेभित्र पठाउने भन्ने कुरा भएको छ ।”

गठबन्धनले पालिकासम्म चुनावी तालमेल संयन्त्र बनाउने तयारी गरेको छ ।

पाँच दलीय गठबन्धनका शीर्ष नेताहरुको केहीदिन अघि बसेको बैठकले चुनावी तालमेल गरेर जाने निर्णय गरेको थियो । वैशाख ३० गते हुन गइरहेको स्थानीय तहको निर्वाचनमा पाँच दलीय गठबन्धन र प्रमुख प्रतिपक्षी दल नेकपा एमालेबीच चुनावी प्रतिस्पर्धा हुने देखिएको छ ।