राजनीति

खड्का चुनावी कमान्डर, महत प्रचार समिति संयाेजक, संसदीय बोर्ड गठन हुन सकेन

• गाउँ सहर संवाददाता
• १५ चैत मंगलबार, २०७८ | १७:५८:०० मा प्रकाशित

काठमाडौं । कांग्रेसले स्थानीय तहको चुनावी कमान्डर उपसभापति पूर्णबहादुर खड्कालाई तोेकेको छ । खड्काको नेतृत्वमा चुनाव परिचालन समिति बनाउने तयारी छ । 

पदाधिकारी बैठकले यो प्रस्ताव तयार पारेको हो । उक्त प्रस्ताव केन्द्रीय समितिमा पेस हुँदैछ । त्यस्तैगरी चुनावी प्रचार प्रसार समितिको नेतृत्व भने प्रवक्ता डा. प्रकाशशरण महतको नेतृत्वमा बनाउन लागिएको छ ।

कांग्रेसको केन्द्रीय समिति बैठक संसदीय समिति (बोर्ड) नै गठन नगरी सकिएको छ ।

केन्द्र, प्रदेश र स्थानीय तहमा निर्वाचन लड्ने उमेदवारहरूका विषयमा निर्णय गर्ने कांग्रेसको वैधानिक संस्था संसदीय समिति यही चैत १५ भित्र बनाउने तयारी  थियो ।

तर, तोकिएकै दिन मंगलबा बसेको केन्द्रीय समिति बैठकमा संसदीय समितिमा रहने सदस्यका विषयमा विवाद भएपछि संसदीय समिति गठन नै थाती राखेर सभापति शेरबहादुर देउवाले केन्द्रीय समिति बैठक टुंग्याएका छन् ।