गाउँ सहर

बोलेरो दुर्घटनामा ११ जना घाइते

• गाउँ सहर संवाददाता
• १५ चैत मंगलबार, २०७८ | १४:१४:०० मा प्रकाशित

काठमाडाैं । सोमबार दिउँसो यात्रु बोकेको बोलेरो दुर्घटनामा पर्दा ११ जना घाइते भएका छन् ।  पाँचथरको फिदिमस्थित सारंगे डाँडामा सोमबार दिउँसो यात्रु बोकेको बोलेरो दुर्घटनामा पर्दा ११ जना घाइते भएका हुन् ।  

इटहरीबाट ताप्लेजुङतिर जाँदै गरेको को १ ज २८४६ नम्बरको बोलेरो फिदिम २ स्थित सारंगे डाँडामा अनियन्त्रित भएर दुर्घटनामा परेको जिल्ला प्रहरी कार्यालय पाँचथरले जानकारी दिएकाे छ । 

‘मंगलबार दिउँसो १२ बजेर ४० मिनेट जाँदा गाडी अनियन्त्रित भएर दुर्घटना भएको हो,’ पाँचथरका प्रहरी निरीक्षक डम्बर विश्वकर्माले भने, ‘११ जना यात्रु सबै घाइते छन् ।’ 

उनका अनुसार यात्रुमध्ये इटहरी ५ की मैया थापा गम्भीर घाइते भएकी छन् । उनको टाउकोमा चोट देखिएको छ । पाँचथरमा प्रारम्भिक उपचारपछि सबै घाइतेलाई थप उपचारका लागि झापा पठाइएको जनाइएकाे छ ।