गाउँ सहर

यी हुन् रामेछापमा स्थानीय निर्वाचनका लागि खटाइएका मुख्य निर्वाचन अधिकृतहरू

• गाउँ सहर संवाददाता
• १३ चैत आइतबार, २०७८ | १०:०२:०० मा प्रकाशित

काठमाडाैं । स्थानीय निकायको निर्वाचनका लागि निर्वाचन आयोगले मुख्य निर्वाचन अधिकृत र निर्वाचन अधिकृत तोकेको छ । आयोगले ६७६ निर्वाचन अधिकृत नियुक्त गरेको जनाएको छ । 

२०७९ वैशाख ३० गते शुक्रबार हुने स्थानीय तह निर्वाचनका लागि स्थानीय तह निर्वाचन ऐन, २०७३ को दफा ७ बमोजिम राजपत्राङ्कित द्वितीय श्रेणीका अधिकृत स्तरका कर्मचारीलाई मिति २०७८ चैत २९ देखि लागु हुनेगरी निर्वाचन अधिकृत नियुक्त गरिएको आयोगले जनाएको छ । 

आयोगले रामेछापकाे मन्थली नगरपालिकाकाे मुख्य निर्वाचन अधिकृतमा न्यायपरिषद हाल राष्ट्रिय न्यायिक प्रतिष्ठानका जिल्ला न्यायाधिश डा. दिवाकर भट्टलाई ताेकिएकाे छ भने उमाकुण्ड गाउँपालिकामा जिल्ला सरकारी वकिल कार्यालय रामेछापका जिल्ला न्यायाधिवक्ता याेगेन्द्र प्रसाद ढुङ्गेल, खाँडादेवी गाउँपालिकामा महान्धयाधिवक्ताकाे कार्यालयका उपन्यायाधिवक्ता बासुदेव लम्साल खटाइएकाे छ । 

त्यसैगरि, गाेकुलगंगा गाउँपालिकामा रामेछाप जिल्ला अदालतका स्रेस्तेदार रामप्रसाद पाैडेल, दाेरम्बा शैलुङ गाउँपालिकामा विशेष सरकारी वकिल कार्यालय काठमाडाैंका उपन्यायाधिवक्ता प्रेमराज पाैडेल, रामेछाप नगरपालिकामा जिल्ला प्रशासन कार्यालय रामेछापकी सहायक प्रमुख जिल्ला अधिकारी गीता गुरूङ मुख्य निर्वाचन अधिकृतकाे जिम्मेवारी ताेकिएकाे छ । 

लिखु तामाकाेशी गाउँपालिकामा संघीय मामिला तथा सामान्य प्रशासन मन्त्रालयका उपसचिव महेन्द्र कुमार सापकाेटा र सुनापति गाउँपालिकामा जिल्ला सरकारी वकिल कार्यालय काठमाडाैंका उपन्यायाधिवक्ता लक्ष्मण उपाध्याय घिमिरेलाई मुख्य निर्वाचन अधिकृत खटाइएकाे छ ।