राजनीति

स्थानीय तहको निर्वाचन निष्पक्ष ,भयरहित वातावरणमा निर्धारित समयमै सम्पन्न हुन्छ : प्रधानमन्त्री देउवा

• गाउँ सहर संवाददाता
• ७ चैत सोमबार, २०७८ | १३:४०:०० मा प्रकाशित

काठमाडाैं । प्रधानमन्त्री शेरबहादुर देउवाले आगामी वैशाख ३० गते हुने स्थानीय तहको निर्वाचन निष्पक्ष ,भयरहित वातावरणमा सम्पन्न गर्न सबैको सहयोग आवश्यक रहेको बताएका छन् । 

मोरङको सुन्दरहरैचा नगरपालिका वडा नं ७ को प्रशासनिक भवनको आज शिलान्यास गर्दै प्रधानमन्त्री देउवाले अगामी स्थानीय तहको निर्वाचन निष्पक्ष ,भयरहित वातावरणमा निर्धारित समयमै सम्पन्न गर्न सरकार प्रतिबद्ध रहेको बताए ।

उनले निर्वाचनको मिति कुनै पनि हालतमा तलमाथि नहुने भन्दै निर्वाचन आयोगलाई सरकारले भरपुर सहयोग गरिरहेको बताए ।

प्रधानमन्त्री देउवाले स्थानीय तहले जनभावना अनुरूप काम गर्नुपर्नेमा जोड दिए ।