गाउँ सहर

गोली लागेर एक जनाको मृत्यु

 

काठमाडाैं । गोली लागेर एक जनाको मृत्यु भएको छ । डडेल्धुरामा गोली लागेर एक जनाको मृत्यु भएको हाे । गन्यापधुरा गाउँपालिका–५ स्थित पटौरा सामुदायिक वनमा जङ्गली जनावर मार्नका लागि भरुवा बन्दुकको पासो थापेका गन्यापधुरा ४ का ४५ वर्षीय दलबहादुर पानलाई सोही बन्दुकको गोली लाग्दा मृत्यु भएको प्रहरीले जानकारी दिएकाे छ । 

जिल्ला प्रहरी कार्यालय डडेल्धुराका  डीएसपी देवेन्द्र पालकाअनुसार दलबहादुरको डडेल्धुरा अस्पताल लैजाँदै गर्दा बाटोमा नै मृत्यु भएको हो।  उनको शव अस्पतालमा राखिएको  छ । घटनामा संलग्न रहेको हुनसक्ने भन्दै प्रहरीले अन्य ४ जनालाई नियन्त्रणमा लिई घटनाबारे आवश्यक अनुसन्धान गरिरहेको बताएको छ । 

नियन्त्रणमा लिइएकाहरुको परिचय भने प्रहरीले खुलाएको छैन । जंगली जनावर बँदेल मार्नको लागि राखिएको बन्दुक पड्केको डीएसपी पालले बताएका छन्  ।

गाउँ सहर संवाददाता