अर्थतन्त्र

लामाे समयकाे अन्तरालमा शेयर बजारमा हरियाली, काराेबार रकम पनि बढ्याे

• गाउँ सहर संवाददाता
• २६ फाल्गुण बिहीबार, २०७८ | १५:२३:०० मा प्रकाशित

काठमाडाैं । शेयर बजारमा साताको कारोबारको अन्तिम दिन विहीबार दोहोरो अंकको वृद्धि भएकाे छ ।  आज नेप्से ५२.२१ अंकले बढेर  दुई हजार ५ सय ६६ दशमलब ७९ विन्दुमा थामिएकाे हो । आज २ अर्ब ७९ करोड २९ लाख रुपैयाँको कारोबार भएको नेप्सेले जनाएकाे छ । बुधबार २ अर्ब ३५ करोड २३ लाख बराबरको कारोबार भएको थियो ।  

नेप्सेका अनुसार आज कारोबार भएका कम्पनीमा १८६ वटा कम्पनी बढेका छन् भने ५ वटा कम्पनी घटेका छन् । यसमध्ये आधा दर्जनभन्दा बढी कम्पनीको शेयरमूल्यमा उच्च वृद्धि भएको छ ।

शेयरमूल्यमा वृद्धि हुने कम्पनीमा इमर्जिङ नेपालको शेयरमूल्य ९ प्रतिशतभन्दा बढीले बढेको  छ । यस कम्पनीको शेयरमूल्य आज ९ प्रतिशतले बढेर प्रतिकित्ता ३४१.५० रुपैयाँ पुगेको नेप्सेले बताएकाे छ ।