अर्थतन्त्र

शेयर बजारकाे ओरालो यात्रा कायमै, २ अर्ब ३५ करोडमाथिकाे काराेबार

काठमाडाैं । शेयर बजारमा साताको कारोबारको चौथो दिन  बुधबार दोहोरो अंकको गिरावट आएको छ ।  आज नेप्से ३०.२९ अंकले घटेर दुई हजार ५ सय १४ दशमलब ६५ विन्दुमा थामिएकाे छ । आज २ अर्ब ३५ करोड २३ लाख बराबरको कारोबार भएको नेप्सेले जनाएकाे छ । 

नेप्सेका अनुसार आज कारोबार भएका कम्पनीमा १७१ वटा कम्पनी घटेका छन् भने १९ वटा कम्पनी बढेका छन् । यसमध्ये एक कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा माउन्टेन इनर्जी नेपाल रहेको छ । यस कम्पनीको शेयरमूल्य आज ८ प्रतिशतले बढेर प्रतिकित्ता ११३५ रुपैयाँ पुगेको छ । 

आज विशाल बजार कम्पनी, सामुदायिक लघुवित्त वित्तीय संस्था, बुद्धभुमी नेपाल हाइड्रोपावर र नेपाल हाइड्रो डेभलपर्स कम्पनीको शेयरमूल्यमा उच्च गिरावट आएको छ । यस कम्पनीको शेयरमूल्य आज ५ प्रतिशतले घटेको छ । कारोबारको आधारमा आज सबैभन्दा बढी नेपाल दूरसञ्चार कमपनीकोे भएको छ । यस कम्पनीको आज १० करोड ५२ लाख भन्दा बढीको कारोबार भएको नेप्सेले बताएकाे छ । 

गाउँ सहर संवाददाता

तपाईँको मत