खेल

फुटबल : मध्यपुरले सामाजिक युवा क्लबलाई हरायाे

• गाउँ सहर संवाददाता
• २० फाल्गुण शुक्रबार, २०७८ | १७:५७:०० मा प्रकाशित

काठमाडौं । सहिद स्मारक बी डिभिजन अन्तर्गत मध्यपुर युथ एसोसियसनले विजयी सुरुआत गरेको छ । एन्फा कम्पलेक्समा शुक्रबार भएको खेलमा मध्यपुरले सामाजिक युवा क्लबलाई ५–२ गोल अन्तरले पराजित गरेको हो । 

मध्यपुरका लागि सञ्जीब थापा मगरले दुई गोल गर्दा सन्नी लामा, धिरज श्रेष्ठ र जेनिश प्रजापतिले एक–एक गोल गरे । 

सामाजिक युवाका लागि विकास दर्जी र बसन्त बहादुर रानाले एक–एक गोल गरे । 

खेलको चौथो मिनेटमा सन्नी लामाले गोल गर्दै मध्यपुरलाई अग्रता दिलाएका थिए । 

सञ्जीबले खेलको आठौं मिनेटमा मध्यपुरको अग्रता दोब्बर बनाएका थिए । 

तर सामाजिक युवाका लागि विकास दर्जीले १६ औं मिनेट तथा बसन्त बहादुर २१ औं मिनेटमा गोल गर्दै खेललाई २–२ को बराबरीमा ल्याए । 

सञ्जीबले पहिलो हाफको इन्जुरी समयमा गोल गर्दै मध्यपुरलाई पुन अग्रता दिलाउदा धिरजले ५४ औं मिनेट तथा जेनिशले ७४ औं मिनेटमा गोल गर्दै मध्यपुरको जित सुनश्चित गरे ।