अर्थतन्त्र

शेयर बजारमा उच्च अंकको पहिराे, ३ अर्ब ६२ करोडकाे काराेबार

• गाउँ सहर संवाददाता
• १८ फाल्गुण बुधबार, २०७८ | १५:५२:०० मा प्रकाशित

काठमाडाैं । शेयर बजारमा साताको कारोबारको चौथो दिन बुधबार उच्च अंकको गिरावट आएको छ ।  आज नेप्से ६३.९८ अंकले घटेर दुई हजार ५ सय ४६ दशमलब ६० विन्दुमा रोकिएको हो । त्यस्तै, आज ३ अर्ब ६२ करोड ११ लाख बराबरको कारोबार भएको नेप्सेले जनाएकाे  छ । 

नेप्सेका अनुसार आज कारोबार भएका कम्पनीमा १८८ वटा कम्पनी घटेका छन् भने ३ वटा कम्पनी मात्रै बढेका छन् । यसमध्ये एक कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा रिलायन्स लाइफ इन्स्योरेन्स कम्पनी रहेको छ । यस कम्पनीको शेयरमूल्यमा आज ४ प्रतिशतले बढेर प्रतिकित्ता ५७२ रुपैयाँ पुगेको छ ।  

आज हिमालयन जनरल इन्स्योरेन्स कम्पनीको शेयरमूल्यमा उच्च गिरावट आएको छ । यस कम्पनीको शेयरमूल्य आज ८.२६ प्रतिशतले घटेर प्रतिकित्ता ६३१ रुपैयाँमा झरेको छ । कारोबारको आधारमा आज सबैभन्दा बढी नेपाल लाइफ इन्स्योरेन्स कम्पनीको भएको छ । यस कम्पनीको आज १६ करोड १८ लाख भन्दा बढीको कारोबार भएको नेप्सेले बताएकाे छ ।