गाउँ सहर

शिवरात्रीमा चिटिक्क पशुपति : भित्तामा काेरिएकाे भगवानका चित्रले थप्याे राैनक (फाेटाेफिचर)

• गाउँ सहर संवाददाता
• १४ फाल्गुण शनिबार, २०७८ | १९:२९:०० मा प्रकाशित

काठमाडाैं । आउँदो मंगलबार महाशिवरात्रि मनाइँदै छ । पशुपति क्षेत्रमा साधुसन्तको आगमन हुन थालिसकेको छ भने भित्तामा भगवान्का चित्र बनाएर आकर्षकरुपमा सजाइएकाे छ । 

संस्कृति, पर्यटन तथा नागरिक उड्डयनमन्त्री प्रेमबहादुर आलेले महाशिवरात्रि अगाडि नै पशुपति क्षेत्रमा भगवान् शिवका मूर्ति तथा देवीदेवताका चित्र चित्रण गर्न निर्देशन दिएपछि शिवरात्रिको समयमा पशुपति क्षेत्रमा विभिन्न देवीदेवताका चित्र बनाइएकाे छ । 

 

 

 

 

 

 

 

 

 

 

 

 

 

 

 

 

 

 

पशुपति क्षेत्रमा रहेका सम्पूर्ण पर्खालमा भगवान् शिव, पार्वती, गणेशलगायत विभिन्न देवीदेवताका चित्रसहितका 'वाल पेन्टिङ' गरेर सजाएकाे छ । 

पशुपति क्षेत्रमा अहिले बाबाहरूको चहलपहल सुरू भएको छ । विगतका वर्षहरू जस्तै यसवर्ष पनि पशुपतिनाथको मन्दिर परिसरमा बाबाहरू आउने क्रम सुरू भएसँगै महाशिवरात्रिको रौनक बढेको हो ।

पशुपति क्षेत्रमा साधुसन्तको आगमन हुन थालिसकेको छ। पशुपति क्षेत्रका विभिन्न स्थानमा साधुसन्तका समूह बसेको देखिन्छ। हंसमण्डप क्षेत्रमा आगन्तुक साधुसन्तका लागि भोजनको व्यवस्था गरिएको छ ।

पशुपति क्षेत्र विकास कोषले आज आयोजना गरेको कार्यक्रममा महाशिवरात्रि पर्व व्यवस्थापनका लागि तीव्र गतिमा तयारीका काम भइरहेको जानकारी गराइएको छ । पर्व व्यवस्थापनका लागि कोष सञ्चालक परिषद्को अध्यक्षसमेत रहनुभएका संस्कृति, पर्यटन तथा नागरिक उड्डयनमन्त्री प्रेमबहादुर आलेको अध्यक्षतामा २५१ सदस्यीय मूल समिति गठन गरिएको जानकारी गराइएको छ । 

तस्बिर- गाउँसहर