खेल

नेपाल र ओमान तेस्रो स्थानको लागि भिड्दै

• गाउँ सहर संवाददाता
• १२ फाल्गुण बिहीबार, २०७८ | ०८:०२:०० मा प्रकाशित

काठमाडाैं । ओमानमा जारी आईसीसी टी-२० विश्वकप ग्लोबल छनोटबाट बाहिरिएको नेपालले तेस्रो स्थानका लागि आज ओमानको सामना गर्दैछ ।

यी दुई टोलीबीचको खेल आज अपरान्ह ३ः४५ देखि अल अमरेत क्रिकेट स्टेडियममा सुरु हुनेछ । 

सेमिफाइनलमा नेपाल यूएईसँग र ओमान आयरल्याण्डसँग पराजित हुँदै विश्वकप खेल्न बञ्चित भएका थिए । अब यी दुवै टिम यो प्रतियोगिताको सुःखत अन्त्य गर्न चाहन्छन् ।

जारी प्रतियोगिताको समूह चरणमा नेपालले ओमानलाई ३९ रनले हराएको थियो । त्यस्तै, दोस्रोमा नेपालले फिलिपिन्सलाई १३६ रन र तेस्रो खेलमा क्यानडालाई ८ विकेटले पराजित गर्दै समूह विजेताको रूपमा सेमिफाइनलमा प्रवेश गरेको थियो ।

तर, नेपालले सेमिफाइनलमा यूएईसँग ६८ रनले हार बेहोर्दै फाइनल पुग्न असफल भयो ।

नेपालकै समूहमा रहेको घरेलु टिम ओमानले क्यानडा र फिलिपिन्सलाई हराउँदै सेमिफाइनलको यात्रा तय गरेको थियो ।