राजनीति

दाहाल र वैद्यबीच खुमलटारमा भेटवार्ता जारी

• गाउँ सहर संवाददाता
• १० फाल्गुण मंगलबार, २०७८ | १०:३९:०० मा प्रकाशित

काठमाडाैं ।  नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (क्रान्तिकारी माओवादी) का महासचिव मोहन वैद्य ‘किरण’बीच भेट वार्ता भएको छ । दाहाललाई भेट्न अध्यक्ष किरण दाहाल निवास खुमलटार पुगेका हुन् ।

अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी) खारेज गर्न माग गर्दै सडक आन्दोलनमा रहेका मोहन वैद्यले सत्ता गठबन्धन दलका शीर्ष नेता प्रचण्डसँग भेट वार्ता गरेका छन् ।

दाहालले समेत अहिलेकै अवस्थामा एमसीसी पारित गर्न नहुने भन्दै सत्ता गठबन्धन बैठकमा आफ्नो मत राख्दै आएका छन् । एमसीसीका विषयमा वार्ता गर्न भएको दुवै नेताबीचको भेटलाई अर्थपूर्ण रुपमा हेरिएको छ ।

पछिल्लो समय सार्वजनिक मञ्चमा प्रचण्डले माओवादी घटक दलहरू एकताबद्ध हुन आवश्यक रहेको बताउँदै गर्दा मोहन वैद्यसँगको भेटले नयाँ मोड लिएको छ । दुई नेताबीच वार्ता जारी छ ।