राजनीति

कांग्रेसको १६ जिल्लाको अधिवेशन फेरि सर्‍यो

काठमाडौं । नेपाली कांग्रेसले अधिवेशन हुन बाँकी १६ जिल्लाको अधिवेशन फागुन १५ गते गर्ने भएको छ ।

कांग्रेसको केन्द्रीय निर्वाचन समितिले यसअघि फागुन १३ गते निर्धारण गरेको अधिवेशन दुई दिनपछि सारिएको सचिव केशव रिजालले जानकारी दिए ।

कांग्रेसको सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, सिन्धुपाल्चोक, चितवन, मकवानपुर, नवलपुर, बाँके, अछाम र कैलाली जिल्लामा अधिवेशन हुन बाँकी छ ।

यस्तै १६ जिल्लाबाहेकका जिल्लामा निर्वाचन हुन बाँकी महासमिति सदस्य पदको निर्वाचन र जिल्ला कार्यसमिति मातहतका पालिका र वडा कार्यसमितिका निर्वाचन भने फागुन १० भित्र गरिसक्ने समितिले जानकारी दिएको छ । 

तर महाधिवेशन प्रतिनिधिको उमेदवार भई पराजित भएका क्षेत्रीय प्रतिनिधिले एक भन्दा बढी निर्वाचन क्षेत्र भएको जिल्लामा सभापतिबाहेकका अन्य पद र तहको पदाधिकारी र सदस्य पदमा उमेदवार बन्न पाउने भनी परिपत्र गरिएको छ ।

गाउँ सहर संवाददाता

तपाईँको मत