खेल

ओमानद्वारा ७ विकेटले यूएई पराजित, नेपाल र आयरल्याण्ड भिड्दै

• गाउँ सहर संवाददाता
• २ फाल्गुण सोमबार, २०७८ | १६:२५:०० मा प्रकाशित

काठमाडाैं । चार देशीय टी–२० क्रिकेट श्रृंंखलाको पाँचौ खेलमा आयोजक ओमानले संयुक्त अरब इमिरेट्स (यूएई) लाई ७ विकेटले पराजित गरेको छ ।

अल अमेरात क्रिकेट मैदानमा १६५ रनको लक्ष्य ओमानले ३ विकेट गुमाएर १९ ओभर तीन बलमा पुरा गरेकाे हाे ।

ओमानको जितमा कश्यप प्रजापतिले सर्वाधिक ६९ जोडे ।

शोएब खानले ३४ रनको योगदान दिए । यूएईका कासिफ दाउद र बसिल हमिदले एक एक विकेट लिएका छन् ।

याे भन्दा अगाडि टस हारेर ब्याटिङ निम्तो पाएको यूएईले निर्धारित २० ओभरमा ८ विकेट गुमाएर १६४ रनको योगफल तयार पारेको थियो । मोहम्मद वासिमले सर्वाधिक ८४ रन बनाए । ओमानका आमिर कलिमले सर्वाधिक ५ विकेट हात पारे ।