बालकुमारी मन्दिरबाट हराएकाे मूर्ति फेला
- गाउँ सहर संवाददाता
- २८ माघ शुक्रबार, २०७८ | १०:४०:०० मा प्रकाशित
काठमाडाैं । बालकुमारी मन्दिरबाट हराएकाे मूर्ति फेला परेको छ । ललितपुरको सुनाकोठीस्थित बालकुमारी मन्दिरबाट गत माघ ८ गतेदेखि हराइरहेको मूर्ति फेला परेको हाे । मुर्ति शुक्रबार बिहान ६ बजेतिर ललितपुर महानगरपालिका– १५ स्थित करुणा मन्दिरको छेवमा फेला परेको प्रहरीले जानकारी दिएकाे छ ।
मूर्ति फेला परेको कुरा स्थानीयले प्रहरीलाई खबर गरेका थिए । उक्त मूर्ति बालकुमारी मन्दिरको पुरानै स्थानमा प्रतिस्थापनका लागि प्रहरीले आजै हस्तान्तरण गर्दैछ । अहिले मूर्ति जावलाखेलस्थित महानगरीय प्रहरी कार्यालयमा राखिएको छ ।
बालकुमारी मन्दिरबाट हराएको मूर्ति खोजीका लागि स्थानीय जनप्रतिनिधी तथा उर्जा मन्त्री पम्फा भुसालले चासो देखाएकी थिइन् । मन्दिरबाट हराएको मूर्ति सक्रियतापूर्वक खोजी गर्न गृहमन्त्री बालकृष्ण खाँडलाई मन्त्री भुसाल सहितका त्यहाँका जनप्रतिनिधिसहितको टोलीले ज्ञापनपत्रनै बुझाएको थियो ।
भुसालको नेतृत्वमा पुगेको जनप्रतिनिधीको टोलीले गृहमन्त्रीलाई बुझाइएको ज्ञापन पत्रमा भनिएको थियो, – कुनै विलम्ब नगरी केन्द्रीय अनुसन्धान महाशाखाबाट तत्काल उक्त चोरीको सुक्ष्मभन्दा सुक्ष्म तवरले खोजी तथा अनुसन्धान गर्न आग्रह गर्दछौँ । मूर्ति चोरीमा संलग्नलाई पक्राउ गरी चोरीको महल मात्र नभई प्राचिन स्मारक संरक्षण ऐन २०१३ अनुसार हदैसम्म कारबाही गर्न हामी स्थानीयवासीहरू जोडदार माग गर्दछौँ ।
मूर्ति फेला परेपछि मन्त्री भुसालले सामाजिक सन्जालवाट खुसी ब्यक्त गरेकी छिन् । उनले नेपाल प्रहरीलाई धन्यवाद समेत दिएकी छिन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस