अर्थतन्त्र

बढ्याे शेयर काराेबार रकम, नेप्से भने गिरावट

• गाउँ सहर संवाददाता
• २५ माघ मंगलबार, २०७८ | १५:३५:०० मा प्रकाशित

काठमाडौं । साताको कारोबारको तेस्रो दिन आज मंगलबार शेयर काराेबार रकम बढेकाे छ । काराेबार रकम बढेपनि नेप्से भने दोहोरो अंकको गिरावट भएको छ ।

यस दिन १६.३० अंक घटेर २८३५.५८ विन्दुमा झरेको छ ।

सोमबार नेप्से १५.६९ अंकले बढेर दुई हजार ८ सय ५१ दशमलब ८६ विन्दुमा पुगेको थियो ।   

नेप्से ओरालो लागेपनि यस दिन कारोबार रकम भने बढेको छ । अघिल्लो कारोबार दिन ५ अर्बको शेयर खरिदबिक्री भएको बजारमा यस दिन २३० कम्पनीको ७१ हजार ३४० पटकको कारोबारमा ६ अर्ब २८ करोड ७२ लाख रुपैयाँ बराबरको १ करोड २० लाख ५३ हजार कित्ता शेयर खरिदबिक्री भएको छ ।

नेप्सेका अनुसार आज कारोबार भएका कम्पनीहरु मध्य दुई कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा नेपाल इन्स्योरेन्स र बुद्धभुमी हाइड्रोपावर कम्पनी रहेको छ । यी कम्पनीको शेयरमूल्य ३ प्रतिशत भन्दा बढीले बढेको छ ।  

त्यस्तै, लिवर्टी इनर्जी कम्पनीको शेयरमूल्यमा सर्वाधिक गिरावट आएको छ । यसको शेयरमूल्य ६.२७ प्रतिशतले घटेको छ ।

कारोबारको आधारमा आज सबैभन्दा बढी अरुण भ्याली हाइड्रोपावरको भएको छ । यस कम्पनीको आज ३५ करोड ८५ लाख भन्दा बढीको कारोबार भएको छ ।  त्यसैगरि अपि पावरको ३३ करोडभन्दा बढीको शेयर कारोबार भएको छ भने नेपाल इन्फ्रास्ट्रक्चर बैंक र अपर तामाकोशीको ३२ करोडभन्दा बढीको शेयर कारोबार भएको छ ।