स्वास्थ्य

नेपाल आइपुग्यो ८ लाख ६२ हजार डोज एस्ट्राजेनिका

• गाउँ सहर संवाददाता
• २४ माघ सोमबार, २०७८ | १६:३१:०० मा प्रकाशित

काठमाडाैं । नेपालमा थप आठ लाख ६२ हजार ८० डोज एस्ट्राजेनिका खोप आइपुगेको छ ।

बेलायत सरकारको सहयोगमा कोभ्याक्सअन्तर्गत २१ लाख ७४ हजार १६० मात्रा खोपमध्ये सोमबार आठ लाख ६२ हजार ८० मात्रा खोप आज आइपुगेको स्वास्थ्य सेवा विभाग व्यवस्थापन महाशाखाका प्रमुख डा. सुरेन्द्रले चौरसियाले जानकारी दिएका छन् ।

चौरसियाका अनुसार बाँकी १३ लाख १२ हजार ८० मात्रा खोप फागुन २ गते आउँदैछ । हालसम्म नेपालमा विभिन्न माध्यमबाट चार करोड ५७ लाख आठ हजार ६४० मात्रा खोप भित्रिएको छ ।