गृहमन्त्री खाँणद्वारा २०६ बुँदे गृह प्रशासन सुधार योजना सार्वजनिक

गाउँ सहर

गृहमन्त्री खाँणद्वारा २०६ बुँदे गृह प्रशासन सुधार योजना सार्वजनिक

गाउँ सहर संवाददाता
२४ माघ सोमबार, २०७८ | १६:१५:०० मा प्रकाशित

काठमाडाैं । ६ महिनापछि गृह प्रशासन सुधार कार्ययोजना सार्वजनिक भएकाे छ । गृहमन्त्री बालकृष्ण खाँणले कार्यभार समालेको ६ महिनापछि गृह प्रशासन सुधार कार्ययोजना सार्वजनिक गरेका हुन् । आज सिंहदरबारमा मन्त्री खाँणले २०६ बुँदे गृह प्रशासन सुधार कार्ययोजना–२०७८ सार्वजनिक गरेका छन् ।

मन्त्रीको कार्ययोजनामा गाँजाको खेती र प्रयोगको मापदण्ड बनाउनेदेखि स्थानीय तहबाट नै नागरिकता वितरण गर्ने सम्मका योजना छन् । गाँजाको औषधीय प्रयोगका लागि ६ महिनाभित्र कार्यविधि तयार गर्ने मन्त्रालयको तयारी रहेकाे छ । त्यसबारे नीति योजना अनुगमन तथा मूल्याङ्कन महाशाखाले काम गरिरहेको छ ।

अध्यागमन नीति तर्जुमा गरेर लागू गर्ने मन्त्रालयको योजना छ । गृह मन्त्रालयले निश्चित मापदण्ड पुरा गरेर स्थानीय तहबाटै नागरिकता वितरण गर्ने योजना सार्वजनिक गरेको छ । गृह प्रशासन सुधार योजना सार्वजनकि कार्यक्रममा गृहसचिव टेकनारायण पाण्डेले भने,‘स्थानीय तहबाटै नागरिकता सेवा दिन कानुनी प्रक्रिया शुरु गरिनेछ’ । 'त्यो सेवा दिनका लागि प्रक्रियागत व्यवस्थापनमा लाँदैछौँ ।’

प्रहरीको सरुवा र बढुवामा पनि नयाँ मापदण्ड तयार गर्ने मन्त्रालयको योजना छ । नेपाल प्रहरी र सशस्त्र प्रहरी बलको संगठन तथा व्यवस्थापन सर्वेक्षण (ओएण्डएम) गर्ने योजना सार्वजनिक गरिएको । लागुऔषध नियन्त्रणका लागि हरेक जिल्लामा लागुऔषध सचेतना केन्द्र सञ्चालन गर्ने मन्त्रालयको योजना रहेकाे छ ।