अर्थतन्त्र

दाेहाेराे अंकले बढ्याे शेयर बजार, ५ अर्ब २ करोडको कारोबार

काठमाडाैं । शेयर बजारमा सोमबार दोहोरो अंकको वृद्धि भएको छ । आज नेप्से १५.६९ अंकले बढेर दुई हजार ८ सय ५१ दशमलब ८६ विन्दुमा पुगेको हो । त्यस्तै, आज ५ अर्ब २ करोड २० लाख बराबरको कारोबार भएको नेप्सेले जनाएकाे छ ।     

नेप्सेका अनुसार आज कारोबार भएका कम्पनीहरु मध्य दुई कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा नेपाल इन्फ्रास्ट्रक्चर बैंक र छ्याङदी हाइड्रोपावर कम्पनी रहेको छ ।

नेपाल इन्फ्रास्ट्रक्चर बैंकको शेयरमूलय ८.४२ प्रतिशतले बढेर प्रतिकित्ता ४१२ रुपैयाँ पुगेको छ भने छ्याङदी हाइड्रोपावर कम्पनीको शेयरमूल्य ६.८३ प्रतिशतले बढेर प्रतिकित्ता ५२४ रुपैयाँ पुगेको नेप्सेले जानकारी दिएकाे छ । 

साेमबार बुद्धभुमि नेपाल हाइड्रोपावर कम्पनीको शेयरमूल्यमा सर्वाधिक गिरावट आएको छ । यसको शेयरमूल्य ४.५७ प्रतिशतले घटेको छ । कारोबारको आधारमा आज सबैभन्दा बढी नेपाल इन्फ्रास्ट्रक्चर बैंकको भएको छ । यस कम्पनीको आज ४९ करोड ३४ लाख भन्दा बढीको कारोबार भएको नेप्सेले बताएकाे छ ।  

गाउँ सहर संवाददाता