गाउँ सहर

लागु औषध खैरो हेरोइन सहित दुई जना प्रहरी नियन्त्रणमा

• गाउँ सहर संवाददाता
• २० माघ बिहीबार, २०७८ | १५:१३:०० मा प्रकाशित

काठमाडाैं । प्रहरीले लागु औषध ‘खैरो हेरोइन’ सहित दुई जनालाई पक्राउ गरेको छ । सुर्खेतको वीरेन्द्रनगर नगरपालिका–६ स्थित बसपार्कबाट प्रहरीले लागु औषध ‘खैरो हेरोइन’ सहित दुई जनालाई पक्राउ गरेको हाे ।

पक्राउ पर्नेमा  वीरेन्द्रनगर–३ घर भएका  २१ वर्षीय प्रकाश बुढा र २० वर्षीय दिपेन्द्र थापा रहेकाे प्रहरीले जानकारी दिएकाे छ ।

बसपार्कस्थित चौलागाई होटलबाट पक्राउ गरिएका आरोपीहरुको साथबाट ३ ग्राम ६ मिलीग्राम अवैध लागूऔषध ब्राउनसुगर बरामद गरिएको जिल्ला प्रहरी कार्यालय सुर्खेतले जनाएको छ ।

आरोपीहरुमाथि लागू औषध मुद्दामा म्याद लिएर जिल्ला प्रहरी कार्यालय सुर्खेतले अनुसन्धान गरिरहेको बताएकाे छ ।